Без рубрики

Олжас Сүлейменовтің мерейтойына орай Талдықорған жоғары политехникалық колледжінде қазақтың ақыны, жазушысы, қоғам қайраткері әрі ойшылы Олжас Омарұлы Сүлейменовтің туғанына 90 жыл және «Жер, адамға тағзым ет!» поэмасына 65 жыл толуына арналған қалалық интеллектуалдық байқау өтті. Аталған байқауға Талдықорған қаласындағы 5 колледж қатысты. Байқау қатысушылары әдебиетке деген қызығушылықтарын, шығармашылық қабілеттерін көрсетіп, Қазақстанның мәдени мұрасына құрмет пен ұлы ақын поэзиясын насихаттауға өз үлестерін қосты. Байқау қорытындысы бойынша:І орын – «Авиценна» медициналық колледжі – Тұрсын ЕрасылІІ орын – Талдықорған жоғары политехникалық колледжі – Степанов СтепанІІІ орын – Талдықорған жоғары медициналық колледжі – Шаметова Дарья Қалған қатысушылар түрлі номинациялармен және алғыс хаттармен марапатталды.

 Заманауи білім беру жүйесінде цифрлық технологияларды тиімді пайдалану – уақыт талабы. Әсіресе жасанды интеллект негізіндегі платформалар білім беру ұйымдарының жұмысын жаңа деңгейге көтеруге мүмкіндік береді. Соның ішінде ChatGPT Edu платформасы оқу үдерісін ұйымдастыруда, әдістемелік жұмыстарды жетілдіруде және педагогтердің кәсіби дамуын қолдауда маңызды құралға айналып отыр.   Колледж әдістемелік орталығының жұмысында ChatGPT Edu платформасын қолдану оқу-әдістемелік қызметтің сапасын арттырып, құжаттарды дайындау мен ақпараттық жұмыстарды жеңілдетуге ықпал етуде. ChatGPT Edu — білім беру ұйымдарына арналған жасанды интеллект платформасының маңызы  мәтіндерді өңдеу, оқу материалдарын әзірлеу, жоспарлау және аналитикалық жұмыстар жүргізу барысында үлкен көмек көрсетеді. Әдістемелік орталық үшін бұл платформа: Жасанды интеллект педагогтің орнын алмастырмайды, тек тиімді көмекші құрал ретінде қызмет атқарады. ChatGPT Edu платформасының артықшылықтары: Қолдану кезіндегі жауапкершілік ChatGPT Edu платформасын пайдалану барысында ақпараттың дұрыстығын тексеру маңызды. Сонымен қатар: академиялық адалдықты сақтау; дайын мәтіндерді бейімдеп қолдану; жеке деректердің қауіпсіздігін қамтамасыз ету қажет.   Қорытындылай келе, ChatGPT Edu платформасы колледж әдістемелік орталығының жұмысын жетілдіруге мүмкіндік беретін заманауи цифрлық құрал болып табылады. Ол оқу-әдістемелік құжаттарды әзірлеуде, педагогтерге қолдау көрсетуде және білім сапасын арттыруда маңызды рөл атқарады. Бүгінде білім беру саласында цифрлық технологияларды тиімді қолдану кәсіби дамудың басты бағытына айналып отыр. Сондықтан ChatGPT Edu сияқты платформаларды орынды пайдалану әдістемелік жұмыстың сапасын жаңа деңгейге көтереді.                                                                   Колледж әдістемелік орталығы

Мерекелік іс‑шараға колледж ардагерлері арнайы шақыртылып, оларға колледжді таныстыру экскурсиясы өткізілді. Ардагерлер колледж мұражайын, оқу аудиториялары мен заманауи зертханалармен танысып, колледждің бүгінгі тынысымен жақынырақ танысты. Сонымен қатар, Наурызға орай студенттерге мерекелік Наурыз көже ұсынылды, киіз үй тігіліп, ұлттық дәстүрлер дәріптелді, барлығы мерекелік атмосфераға бөленді. Студенттердің өнер көрсетулері, концерттік нөмірлер мен ойындар мерекенің көңіл‑күйін көтерді. Барлығы Ұлыстың Ұлы күнін бірге атап, бірлік пен достықты сезінді. Мерекелік сәттер суретке түсіріліп, колледж ұжымында жылы, шуақты атмосфера қалыптасты.

Талдықорған жоғары политехникалық колледжі базасында 1С Сертификатталған оқыту орталығы ресми түрде өз жұмысын бастады. Орталық 1С компаниясының талаптарына сәйкес қызмет атқарып, «1С:Кәсіпорын» платформасы бойынша стандартталған әрі ресми оқытуды жүзеге асырады. Іс-шара аясында ынтымақтастық туралы меморандумдарға қол қою рәсімі өтті. Колледж директоры Нұрғожаев Ш.Б. мен «1С Қазақстан» оқу орталығының жетекшісі Керейбаева Г.М., сондай-ақ «1С-Сапа» оқу орталығы мен «Жетісу Автоматтандыру Орталығы» ЖШС өкілдері арасында әріптестік келісімдер жасалды. Бұл меморандумдар IT-білім беруді дамытуға, өндіріс пен білім беру арасындағы байланысты нығайтуға және еңбек нарығында сұранысқа ие, бәсекеге қабілетті мамандар даярлауға бағытталған. Жаңа орталық студенттерге нақты өндірістік кейстермен жұмыс істеуге, заманауи бағдарламалық өнімдерді меңгеруге және халықаралық деңгейдегі сертификат алу мүмкіндігін ұсынады. Бұл — өңірдегі IT-білім беруді жаңа сапалы деңгейге көтеретін маңызды әрі стратегиялық қадам.

Талдықорған жоғары политехникалық колледжінің арнайы пән оқытушысы– Әділбаева Т.М. 25.02.2026 ж. күні «Экономиканың базалық білімін және кәсіпкерлік негіздерін қолдану» модулі бойынша SW-425b тобында «Сату стратегиясы» тақырыбында ашық сабақ өткізді. Кәсіпкерлік бағыттағы сабақтарда білімгерлердің нарықтық ойлау қабілетін дамытуда сату стратегиясының маңызын түсіндіру ерекше орын алады. Осы мақсатта ұйымдастырылған ашық сабақ білім алушыларға сату стратегиясының мәні, кезеңдері және оны тиімді жүзеге асыру жолдары туралы тереңірек мағлұмат беруге бағытталды. Сабақ барысында оқытушы білімгерлерге сату стратегиясының негізгі элементтерін – нарықты талдау, мақсатты аудиторияны анықтау, өнімнің құндылық ұсынысын қалыптастыру, баға саясаты, жарнама және өткізу арналары – интерактивті әдістер арқылы түсіндірді. Білімгерлер топтық жұмыстар орындады. Әр топқа нақты өнім беріліп, соған байланысты сату жоспарын құрастыру тапсырылды. Жұмыс барысында заманауи нарық талаптары мен бәсекелестік орта ескерілді. Ашық сабақтың ерекшелігі – тәжірибелік бөлімнің басым болуы. Білімгерлер «Сатушы және клиент» рөлдік ойынын орындап, коммуникациялық дағдыларын дамытты. Сонымен қатар, сату кезеңдерін сәйкестендіру, тұтынушымен жұмыс жүргізу алгоритмін құру және тиімді ұсыныс жасау тапсырмалары берілді. Бұл олардың теориялық білімін тәжірибеде бекітіп, сату стратегиясын құру дағдыларын нығайтты. Сабақ соңында білімгерлер сату стратегиясының бизнестегі маңызын, табысты арттырудағы рөлін және тұтынушымен тиімді байланыс орнату қажеттігін түсініп шықты. Ашық сабақ өз мақсатына жетіп, білім алушылардың белсенділігін арттырып, пәнге деген қызығушылығын күшейтті. Арнайы пән оқытушысы–Әділбаева Толғанай Мақсатқызы

Колледжіміздің студенттері білім, технология және кәсіпкерлік бағытындағы түрлі деңгейдегі байқаулар мен іс-шараларда жоғары нәтижелерге қол жеткізіп, оқу орнының зияткерлік әлеуетін айқын көрсетті. Бұл жетістіктер студенттердің шығармашылық ойлау қабілетін, цифрлық сауаттылығын және заманауи технологияларды меңгеру деңгейін дәлелдейді. DevFest аясында өткен Figma Contest байқауында колледж студенттері үздік нәтиже көрсетті. Байқау қорытындысы бойынша Абухан Жансая — I орын, ал Шальнева Наташа — III орынға ие болды. Қатысушылар интерфейс дизайны мен визуалды шешімдер бағытында жоғары деңгейде өнер көрсетті. Стартап-жобалар бағыты бойынша да студенттер белсенділік танытты. Талдықорған жоғары политехникалық колледжінде өткен «Pizza Pitch» стартап бизнес-жобалар конкурсында Logist.Hub командасы I орынды иеленді. Жоба өзектілігі мен тәжірибелік маңызы жағынан жоғары бағаланды. Сонымен қатар, колледж студенттері арасында өткен «Кәсіпкерлікті қолдау: Smart экономика» облыстық байқауында AstraNova командасы III орынға ие болып, кәсіпкерлік және инновациялық ойлау қабілеттерін көрсетті. 2026 жылғы 18 желтоқсанда қала көлемінде «AI Assistant» атты қалалық олимпиада сәтті өтті. Олимпиада барысында қатысушылар жасанды интеллект көмекшілерін құрастыру, логикасын әзірлеу, идеяларын ұсыну және жобаларын қорғау арқылы өз білімдері мен шығармашылық қабілеттерін танытты. Жеңімпаздар мен қатысушылар дипломдармен және сертификаттармен марапатталды. Желілік технологиялар және киберқауіпсіздік кафедрасының онкүндігі аясында өткізілген облыстық деңгейдегі шеберлік сыныпта кафедра оқытушылары жасанды интеллект құралдарын қолдану бағытында тәжірибе бөлісіп, заманауи IT-технологиялардың білім беру үдерісіндегі рөлін көрсетті. Сондай-ақ қысқы педагогикалық оқулар аясында STEM жобасы қорғалып, колледжге арналған THPC ақпараттық чат-боты таныстырылды. Аталған цифрлық шешім оқу үдерісіндегі коммуникацияны оңтайландыруға бағытталған.Чат-бот сілтемесі: https://t.me/thpcass_bot Аталған іс-шаралар мен жетістіктерге педагог-модератор — Ешен Фариза Көпжасарқызы жетекшілік етті. Бұл жұмыстар колледжде цифрлық технологиялар, жасанды интеллект және кәсіпкерлік бағыттарының жүйелі түрде дамып келе жатқанын көрсетеді. Педагог-модератор: Ешен Фариза Көпжасарқызы

4 ақпан күні «7 Электроника, автоматтандыру және робототехника» кафедрасы апталығы аясында арнайы пән оқытушылары Қалпебаев Қ. Д., Бауыржанова М. О., Ихсанова А. С., Сейд-Оглы Н. Х. «Байланыс жүйелерінің негіздері және оларды тәжірибеде қолдану» тақырыбында облыстық деңгейде шебер-сынып өткізді. Шебер-сыныптың негізгі мақсаты — байланыс жүйелерінің құрылымын, жұмыс істеу принциптерін және олардың заманауи технологиялардағы маңызын түсіндіру, сондай-ақ теориялық білімді тәжірибемен ұштастыру. Іс-шараға түрлі колледждерден келген қатысушылар қатысып, оқытушылардың практикалық тәжірибесімен танысып, кәсіби бағытта өзара пікір алмасты. Шебер-сынып барысында байланыс жүйелерін оқу үдерісінде және өндірістік ортада қолдану жолдары жан-жақты қарастырылды. Шара соңында қатысушыларға белсенді қатысқаны үшін алғыс хаттар табысталды. Аталған іс-шара педагогтердің кәсіби тәжірибе алмасуына және техникалық білім сапасын арттыруға ықпал етті.

2026 жылғы 29 қаңтарда SW-514 B тобының кураторы Тен Ольга Сергеевна жүргізуімен «Қауіпсіз қоғам» тақырыбында ашық кураторлық сағат өткізілді. Іс-шара студенттердің өмірдің әртүрлі салаларында қауіпсіздіктің маңыздылығын түсінуін қалыптастыруға және қауымдастықта қауіпсіз әрекет ету дағдыларын дамытуға бағытталған. Сағаттың негізгі мақсаты — студенттерге қауіпсіздік тек ережелерді сақтау ғана емес, өзіміздің айналамызда сенімді және қауіпсіз орта құра білу қабілеті екенін түсіндіру болды. Кураторлық сағат барысында студенттер әртүрлі қауіпсіздік түрлерін қарастырды: Жеке қауіпсіздік — күнделікті өмірде өзімізді қауіпті жағдайлардан қорғау (мысалы, жол қозғалысы ережесін сақтау, интернеттегі қауіпсіздік, жеке гигиенаны сақтау). Әлеуметтік қауіпсіздік — қоғамдағы нормаларды сақтау, қақтығыстар мен буллингтің алдын алу. Ақпараттық қауіпсіздік — жеке деректерді қорғау, ақпараттың дұрыстығын тексеру, құпия сөздер мен жеке деректерді қауіпсіз сақтау. Экологиялық қауіпсіздік — табиғатқа және қоршаған ортаға қамқорлық жасау, қоқысты дұрыс жинау, өрттердің алдын алу. Сағат барысында студенттер интерактивті тапсырмаларды орындады: жеке тәжірибелерімен бөлісу, қауіпсіз және қауіпті мінез-құлыққа қатысты қысқа бейнеролик қарау, сондай-ақ практикалық жағдайларды топпен талқылау. Студенттер әртүрлі жағдайларда қауіпсіздік түрлерін анықтап, қауіпсіз әрекет ету жолдарын ұсынды. Сағат соңында рефлексия жүргізілді: студенттер алған білімдерін өмірде қолдану жолдарын бөлісті, өз тәжірибелерін талдады және дағдыларын нақтылады. Ашық кураторлық сағат студенттердің қауіпсіздік мәселелеріндегі санасын арттыруға, сыни ойлау қабілетін дамытуға, топтық жұмыс дағдыларын жетілдіруге және өз әрекеттеріне сенімділігін арттыруға септігін тигізді. Куратор: Тен Ольга Сергеевна

Қазақстан Республикасының Президенті Қасым-Жомарт Тоқаевтың Жарлығына сәйкес, ағымдағы жыл Цифрландыру және жасанды интеллект жылы деп жарияланды. Бұл шешім елдің стратегиялық бағытын — технологиялық дамуды жеделдету, цифрлық экономиканы қалыптастыру және қоғамды жаңа дәуірдің талаптарына дайындау қажеттілігін көрсетеді. Цифрлық технологиялар дәуірі — бұл тек жаңа құрылғылар мен бағдарламалық шешімдерді енгізу ғана емес. Бұл жаңа мамандықтар мен жұмыс орындарының пайда болуы, мемлекеттік басқарудың тиімділігінің өсуі, кәсіпкерлік, стартап мәдениеті және инновациялық салалардың дамуы. Сонымен қатар, бұл оқу, еңбек және ойлау тәсілдерінің өзгеруі. Жақында ғана фантастика болып көрінген автономды жүйелер, ақылды ассистенттер, ірі деректерді талдау, виртуалды және толықтырылған шындық — бүгінде күнделікті өмірдің бір бөлігіне айналып отыр. Бұл процесте жасанды интеллектті білім беру жүйесіне енгізу ерекше мәнге ие. Дәл білім беру жүйесінде жаңа цифрлық шындықта өмір сүретін және жұмыс істейтін ұрпақ қалыптасады. Қазіргі мектептер мен колледждер тек дәстүрлі оқыту әдістерімен шектеле алмайды. Ең бастысы — цифрлық компетенцияларды, алгоритмдік және сыни ойлауды, бағдарламалау дағдыларын, деректермен жұмыс істеу, робототехника және ЖИ құралдарымен жұмыс іскерлігін дамыту. Осы контексте FabLab-кеңістіктерін құру және дамыту — теорияны практикаға айналдыратын заманауи инновациялық лабораториялардың маңызы ерекше. Талдықорған политехникалық колледжіндегі лаборатория 2025–2027 жылдарға арналған техникалық және кәсіптік білім жүйесін трансформациялау жол картасы аясында ашылуы жоспарланған бес зертхананың бірі болып табылады. Талдықорған жоғары политехникалық колледжіндегі FabLab үш өзара байланысты лабораториядан тұрады: Робототехника лабораториясы өнеркәсіпте, логистикада, медицинада және «ақылды» технологиялар саласында сұранысқа ие практикалық дағдыларды қалыптастырады. Лаборатория идеядан бастап физикалық өнімге дейінгі толық циклді қамтуға мүмкіндік береді, бұл инженерлік және жобалық ойлауды дамыту үшін өте маңызды. Жасанды интеллект лабораториясы қазіргі цифрлық жүйелердің қалай жұмыс істейтінін түсінуге және ЖИ-ді тек қолданушы ретінде емес, әзірлеуші ретінде де пайдалануды үйретеді. Бұл үш лабораторияны Талдықорған жоғары политехникалық колледжінде бір FabLab кеңістігіне біріктіру күшті синергетикалық эффект береді. Студенттер кешенді жобаларды әзірлей алады:— құрылғы корпусын 3D-модельдеу;— оны 3D-принтерде шығару;— электрондық құрамын жинау;— басқаруды бағдарламалау;— жасанды интеллект элементтерін енгізу. Осылайша, колледждің FabLab кеңістігі нақты практикалық дағдылар қалыптасатын, жобалық және командалық ойлау дамитын, ерте кәсіби бағдар берілетін, студенттік стартаптар мен инновациялық бастамалар үшін жағдай жасалатын ортаға айналады. Цифрландыру және жасанды интеллект жылы — бұл бір реттік акция емес, елдің ұзақ мерзімді даму бағыты. Талдықорған жоғары политехникалық колледжінің FabLab сияқты кеңістіктеріне инвестициялар — Қазақстанның болашағына, бәсекеге қабілетті мамандарды дайындауға, білім экономикасын дамытуға және технологиялық тәуелсіздікті қалыптастыруға салынған үлес. Мұнда цифрлық технологияларды тек тұтынушы ретінде емес, жасампаз ретінде пайдаланатын ұрпақтың іргетасы қаланады.