9 ақпан күні Талдықорған жоғары политехникалық колледжінде Талдықорған қаласының Мәдениет және тілдерді дамыту орталығымен бірлесе отырып, қазақ поэзиясының заңғар тұлғасы, ақиық ақын Мұқағали Мақатаевтың туғанына 95 жыл толуына орай «Есіңе мені алғайсың» атты қала колледждері студенттері арасындағы қалалық байқау ұйымдастырылып, жоғары деңгейде өткізілді.
Байқаудың негізгі мақсаты – Мұқағали Мақатаев поэзиясының халық арасында кеңінен таралуының мәнін ашу, оның шығармашылығының өміршеңдік сырын таныту, сондай-ақ ақын өлеңдерінің музыкамен үндесу ерекшелігін көрсету. Байқау барысында ақынның сөзіне жазылған әндер көпшілік назарына ұсынылды.
Байқауға қала колледждерінен 9 студент қатысып, Мұқағали Мақатаевтың өлеңдерін және оның өлеңдеріне жазылған әндерді асқан шеберлікпен орындады. Қатысушылардың өнері көрермендерге терең әсер қалдырып, ақын шығармашылығына деген құрмет пен сүйіспеншілікті айқын көрсетті.
Аталған мәдени іс-шара жастардың рухани дүниесін байытып, ұлттық поэзияға деген қызығушылығын арттыруға және әдеби мұраны насихаттауға зор үлес қосты.