Талдықорған жоғары политехникалық колледжінің информатика пән оқытушысы, педагог-сарапшы Узбанова Айгерим Сулеймановна және педагог-модератор Әділханова Гүлжан Мұхтарқызы қыркүйек айында «Talap» коммерциялық емес акционерлік қоғамы ұйымдасытуымен «Scaffold құралдарын пайдаланып оқу сабақтарын жобалау» атты курс өтті. Курс бойынша сүйемелдеу жұмысын «Информатика пәнінде Scaffold оқу құралдарын тиімді пайдалану» тақырыбында «IT Үздік ұстаз» Республикалық ғылыми-әдістемелік журналына мақала жариялады.
Бұл мақалада Scaffold технологиясын информатика сабағында қолдану туралы айтылады. Оқыту барысында білім алушыға кезең-кезеңмен қолдау көрсету, оның өз бетімен жұмыс істеу дағдыларын дамытуға арналған әдістер сипатталған.
Негізгі идеясы:
- Білім алушыға «жақын даму аймағын» құру;
- Күрделі ақпаратты жеңіл, құрылымды түрде түсіндіру;
- Білім алушыны біртіндеп өздігінен әрекет етуге үйрету.
Scaffolding элементтері:
- Нұсқау және бағыт беру – мұғалім мысал көрсетеді.
- Модельдеу және демонстрация – тапсырманы қалай орындау екенін көрнекі көрсету.
- Кері байланыс және сұрақтар – білім алушы түсіну үшін сұрақтар қою.
- Қолдауды азайту – біртіндеп дербес жұмысқа шығару.
Информатикадағы Scaffold ұстанымдары
- Қарапайымнан күрделіге көшу;
- Визуалды қолдау (кесте, схема, код үлгілері);
- Қателіктер арқылы үйрену;
- Диалогтық оқыту («білім алушы–мұғалім–компьютер»);
- Білім алушының деңгейіне қарай тапсырма беру.
Қорытындылай келе информатика пәнінде білім алушыны қолдап үйрететін Scaffold технологиясының мәнін, мақсатын және қолдану жолдарын түсіндіреді. Негізгі бағыт — білім алушының ойлауын дамыту, тапсырмаларды өздігінен орындауға біртіндеп үйрету және визуалды құралдарды тиімді пайдалану.
Информатика пән оқытушысы:
педагог-модератор Әділханова Гүлжан Мұхтарқызы
педагог-сарапшы Узбанова Айгерим Сулеймановна
