“WorldSkills Lyon — 2024” Францияның Лион қаласында өтетін WorldSkills әлемдік чемпионаты. Бұл чемпионат техникалық және кәсіптік білім беру саласындағы ең беделді халықаралық жарыстардың бірі болып табылады. Әлемнің түкпір-түкпірінен жиналған жас мамандар өздерінің кәсіби шеберліктерін 50-ден астам түрлі құзыреттілік бойынша көрсетеді.

2024 жылы Лиондағы чемпионатта қазақстандық студенттер мен жас мамандар да өз елін танытпақ.
WorldSkills жарыстары жас мамандардың халықаралық деңгейде тәжірибе алмасып, өз дағдыларын жетілдіруіне үлкен мүмкіндік береді.

WorldSkills Lyon – 2024 чемпионатына қатысатын ұлттық құраманың мүшесі Тыныштық Олжас Сәбитұлы, Талдықорған жоғары политехникалық колледжінің арнайы пәндер оқытушысы, «Мобильді қосымшаларды әзірлеу» құзыреттілігі бойынша халықаралық сарапшы Сатқұлов Бақтияр Бағланұлының жетекшілігімен, әлемдік деңгейде өз дағдыларын белсенді түрде көрсетіп жатыр.

Ұлттық құрамаға әлемдік жарыста сәттілік тілейміз!