СЫБАЙЛАС ЖЕМҚОРЛЫҚҚА ҚАРСЫ ІС – ҚИМЫЛ АГЕНТТІГІНІҢ АЛМАТЫ ОБЛЫСЫ БОЙЫНША ДЕПАРТАМЕНТІ БІЗДІҢ КОЛЛЕДЖДЕ
Бүгін Қазақстан Республикасы Сыбайлас жемқорлыққа қарсы іс – қимыл агенттігінің (Сыбайлас жемқорлыққа қарсы қызмет) Алматы облысы бойынша департаменті басшысының бірінші орынбасары Жандос Жұмабаев, “Жетісу-адалдық алаңы” жобалық кеңсесінің жетекшісі Аманжол Жазықбаев, колледж директоры Мұқажанов Ерхат, Талдықорған жоғары политехникалық колледжінің оқытушылары мен қызметкерлері үшін сыбайлас жемқорлықтың алдын алу және оған қарсы іс-қимыл бойынша кездесу өткізді.
Өз сөзінде Жұмабаев Жандос Сағындықұлы сыбайлас жемқорлыққа қарсы заңнамаға енгізілген жаңалықтар, квазимемлекеттік сектордағы сыбайлас жемқорлық тәуекелдеріне талдау жүргізудің маңыздылығы және Бағыныстылардың сыбайлас жемқорлық құқық бұзушылықтарын жасағаны үшін Бірінші басшылардың жауапкершілігін күшейту туралы айтып берді. Сондай-ақ, сыбайлас жемқорлыққа қарсы комплаенс-қызмет институты енгізілгенін, ол адалдық стандарттары мен сыбайлас жемқорлыққа қарсы заңнама нормаларын сақтауға жауап беретінін атап өтті.
Семинар барысында алдын алу шараларын қабылдаудың маңыздылығы атап өтілді. Кездесуге қатысушыларға департаментпен іске асырып жатқан “Жетісу адалдық алаңы” жобалары, “Ашық бюджеттердің интерактивті картасы” платформасының мүмкіндіктері, сыбайлас жемқорлық фактілері туралы хабарлаған азаматтарды көтермелеудің жаңа жүйесі, Сыбайлас жемқорлыққа қарсы қызметтің Call-орталығының жұмысы туралы ақпарат берілді.
Сөз сөйлеу соңында сыбайлас жемқорлыққа қарсы бейнеролик көрсетіліп, қызықтырған сұрақтарға жауаптар берілді.