«WorldSkills Taldykorgan»

«WorldSkills Taldykorgan» 
аймақтық кәсіби шеберлік чемпионатының ашылуы болды
«Техникалық және кәсіптік білімнің мәртебесін көтеру, білім алушылар мен жас мамандардың кәсіби шеберлігін арттыру, шығармашылық қабілеттері мен қызығушылығын қолдау, жұмыс дағдысы мен тәсілдерін жаңғырту және Ұлттық чемпионатқа қатысатын үміткерлерді анықтау» мақсатында Алматы облысының білім басқармасы 2019 жылдың 21-24 мамыр аралығында «WorldSkillsTaldykorgan» аймақтық кәсіби шеберлік чемпионатын Алматы, Талдықорған, Текелі қалаларының 8 колледжінің базасында 16 құзіреттілік бойынша жүргізеді.
Талдықорған жоғары политехникалық колледжінің базасында 5 құзыреттілік бойынша: Веб дизайн және әзірлеу, Графикалық дизайн, Желілік және жүйелік әкімшілендіру, Бизнеске арналған ІТ шешім құзыреттілігі бойынша студенттер білімдерімен жарысады.
Аймақтық чемпионаттың салтанатты ашылу рәсімі 22 мамырда Талдықорған қаласындағы І.Жансүгіров атындағы мәдениет сарайында өткізілді. Чемпионаттың ашылу салтанатына Ауылшаруашылығы, Жұмыспен қамтуды үйлестіру және әлеуметтік бағдарламалар, Кәсіпкерлік және индустриалдық-инновациялық даму, «Жастар саясаты мәселелері басқармалары және Атамекен» кәсіпкерлер палатасының өкілдері, мектеп оқушылары шақырылды. 
Чемпионатты Алматы облысының білім басқармасының басшысы Даурен Хабдолданұлы Жүнісов ашып, аймақтық чемпионаттың мақсат-міндеттеріне, студенттер мен колледждердің жетістіктеріне тоқтала келе, барлық қатысушыларды құттықтады. 
Чемпионатқа қатысушыларға сəттілік тілейміз!