NCCER халықаралық аккредитациясы
2023 жылы Талдықорған жоғары политехникалық колледжі АҚШ-тағы NCCER (National Center for Construction Education and Research) халықаралық стандарттары бойынша аккредитациядан өткен Қазақстандағы алғашқы оқу орны атанды.
Бұл колледжге құрылыс саласы бойынша мамандарды халықаралық стандарттар негізінде даярлау және
сертификаттау құқығын берді.
Өткен жылы 15 студент халықаралық сертификат алды, ал биылғы жылы тағы 30 студент оқуын жалғастыруда.
NCCER сертификаты әлемнің 70-тен астам елінде мойындалады, бұл өз кезегінде колледждің беделін арттырып, түлектердің шетелде жұмысқа орналасу мүмкіндіктерін кеңейтті.
САЛАЛЫҚ АККРЕДИТАЦИЯ НӘТИЖЕЛЕРІ
- 8 Сертификатталған педагог
- 15 Сертификатталған түлек
- 2 Аккредиттелген модуль
- 30 Білім алушы студент
- 15 Колледж дипломын алды + NCCER сертификат
СЕРТИФИКАТТАЛҒАН ИНСТРУКТОРЛАРДЫ ДАЯРЛАУ БАҒДАРЛАМАСЫ (ICTP)
- Instructor Certification Training Program (ICTP) – студенттерді NCCER стандартына сай бірыңғай оқу бағдарламалары арқылы оқытатын оқытушыларды даярлауға арналған бағдарлама.
- Сонымен қатар колледжде Ұлттық сертификаттау және біліктілікті бағалау бағдарламасы (NCACP) жүзеге асырылады. Бұл бағдарлама аясында түрлі мамандандырылған оқу және сертификаттау курстары жүргізіледі.
- Қорытынды модульде NCCER кәсіби оқыту және бағалау бағдарламаларын біріктірудің артықшылықтары талқыланады. Мұндай тәсіл жоғары кәсіби дайындық деңгейін және халықаралық деңгейде біліктілікті мойындауды қамтамасыз етеді.
«ЖОБА БАСШЫЛЫҒЫ» КУРСЫНЫҢ ҚҰРЫЛЫМЫ
Төменде «Жоба басшылығы» (Project Supervision) оқу бағдарламасының модульдік құрылымы көрсетілген.
Оқуды төменнен жоғары қарай жүргізу ұсынылады, себебі әр кезеңде білім мен құзыреттер деңгейі арта түседі. Бағдарламаның жергілікті демеушісі модульдердің оқу ретін өзгерте алады.
БАҒДАРЛАМА БАРЫСЫНДА МЕҢГЕРІЛЕТІН ДАҒДЫЛАР
Бағдарлама аясында студенттер келесі кәсіби құзыреттерді меңгереді:
- Құрылыс процесін басқару
- Жобаны бақылау және үйлестіру
- Команда жұмысын ұйымдастыру
- Еңбек қауіпсіздігін қамтамасыз ету
- Адамдармен тиімді қарым-қатынас орнату
- Мәселелерді жылдам әрі нәтижелі шешу
БАҒДАРЛАМА МОДУЛЬДЕРІ
- MT202-01 — Персоналды басқару және мәселені шешу
- MT203-01 — Еңбек қауіпсіздігі
- MT204-01 — Сапаны бақылау
- MT205-01 — Келісімшарттар мен құрылыс құжаттамасы
- MT206-01 — Құжат айналымы және смета жасау
- MT207-01 — Жоспарлау және жұмыс кестесін құру
- MT208-01 — Ресурстарды басқару және шығындар туралы хабардарлық
ХАЛЫҚАРАЛЫҚ САЛАЛЫҚ АККРЕДИТАЦИЯ ҚАНДАЙ МҮМКІНДІКТЕР БЕРЕДІ?
- Колледж оқытушыларының кәсіби біліктілігін арттыру;
- Оқыту және түлектерді бағалау стандарттарын халықаралық үздік тәжірибелер негізінде жетілдіру;
- Түлектерді Қазақстан мен шетелдегі халықаралық компанияларға жұмысқа орналастыру мүмкіндігі;
- Колледжбен әріптестік орнатуға шетелдік серіктестерді тарту;
- Шетелдік және жергілікті серіктестердің тәжірибеден өту базаларына қол жеткізу;
- NCCER-дің әлем бойынша кең клиенттік базасына қатысу мүмкіндігі;
- Аймақтағы қауіпсіз, өнімді және сенімді жұмыс күшін қалыптастыру және дамыту;
- NCCER және басқа да мойындалған стандарттарды енгізу арқылы оқыту жүйесін жетілдіру;
- Жергілікті серіктестер мен компанияларға халықаралық инвестициялары бар ірі жобаларға қатысу мүмкіндігін ұсыну.