Колледждің тарихы
КОЛЛЕДЖ БАСШЫЛАРЫ
Дорғатов Рустам
Білімі – Жеті жылдық қазақ мектебін, ФЗУ-ды, Ленинградтың кеңестік сауда институтын және әскери автотехникалық училищені бітірген.
1952-1953 оқу жылы – Өндірістік көрсеткіштердің қорытындысы бойынша Талдықорған ауылшаруашылығын механикаландыру мектебінің бес өкілі Бүкілодақтық ауылшаруашылық көрмесіне қатысқан.
1954 жыл – Мектеп Талдықорған ауылшаруашылығын механикаландыру училищесі болып қайта құрылды:
• Училищеге 129 оқушы қабылданды.
• Тегін тамақ, жұмыс және оқу киімдері ұйымдастырылды.
• Училищенің медициналық пункті жұмыс істей бастады.
• Директор болып Рустам Доргатов бекітілді.
Мемлекеттік акт бойынша училищеге 600 гектар жер бекітілді, оның ішінде:
• 300 га – жыртылатын жер;
• 42 га – шабындық;
• 241 га – жайылым;
• 17 га – басқа жерлер.
1951-1961 жылдар – Р. Доргатов басшылық еткен оқу орындарында ауылшаруашылығына қажетті шамамен 1500 жоғары білікті маман даярланды.
1961 жыл – № 24 Талдықорған механикаландыру училищесінің негізінде Талдықорған индустриалдық кәсіптік білім техникумы ашылды. Директор болып Рустам Доргатов тағайындалды.
1966 жыл – Индустриалдық техникум Талдықорған индустриалды-педагогикалық техникумы болып өзгертілді. Рустам Доргатов директор қызметін әрі қарай жалғастырды.
Муханов Артемий Васильевич
Білімі – Жоғары педагогикалық және зоотехникалық орта кәсіптік оқу орындарын тәмамдаған.
1949-1971 жылдар – Сарқан, Андреев, Қаратал, Талдықорған және Киров аудандарында түрлі партиялық жұмыстар атқарған.
1971-1975 жылдар – Талдықорған индустриалды-педагогикалық техникумының директоры қызметін атқарды.
Баталова Гулшара Омаровна
1962 жыл – Қазақ мемлекеттік университетінің тіл факультетін тәмамдаған.
1968 жыл – Талдықорған қаласына келіп, қалалық атқарушы комитет төрағасының орынбасары қызметін атқарған.
1976 жыл – Талдықорған индустриалды-педагогикалық техникумының директоры болып тағайындалды.
1976-1980 жылдар – Директор қызметінде болды:
• Техникум өндірістік оқыту шеберлерін, ауыл шаруашылығын механикаландыру және электрлендіру мамандықтары бойынша мамандар даярлайтын ең ірі оқу орнына айналды.
• Техникумда 33 жабдықталған кабинет, 14 лаборатория, ұста, газбен дәнекерлеу, электрмен дәнекерлеу, темір және ағаш жұмыстары, жөндеу жұмыстары цехтары бар оқу-өндірістік шеберханалар жұмыс істей бастады.
• Оқу корпустары 960 студент оқитындай деңгейге жетті.
• Студенттердің пайдалануына спорт залы, акт залы және 50 орындық сауықтандыру орны берілді.
• Техникум бірнеше рет Кеңес Одағы мен Қазақстанның халық шаруашылығы жетістіктері көрмелеріне қатысты.
• «Алтын дән» ән-би ансамблі халық ансамблі атағын алып, табысты жұмыс істеді.
• Соғыс және еңбек даңқы мұражайы ашылып, қала және облыс жастарының қызығушылықпен келетін орнына айналды
Камнев Иван Степанович
1949 жыл – Кешкі орта мектепті тәмамдап, Шымкент ауылшаруашылық техникумына түскен.
1953 жыл – Шымкент ауылшаруашылық техникумын үздік бітірген.
1958 жыл – Қазақ ауылшаруашылық институтын бітіріп, Көксу ауылшаруашылық техникумында ұстаздық қызметін бастаған.
1962 жыл – К.А.Тимирязев атындағы Мәскеу ауыл шаруашылық академиясына түсіп, оны үздік тәмамдаған.
1973-1981 жылдар – № 174, № 55 қалалық кәсіптік-техникалық училищелерінде директордың орынбасары, сондай-ақ облыстық кәсіптік-техникалық білім беру басқармасының бастығы қызметін атқарған.
1981-1985 жылдар – Талдықорған индустриалды-педагогикалық техникумының директоры қызметін атқарды:
• Бұл кезеңде техникум бүкілодақтық «Ең үздік техникум», «Ең үздік маман» конкурстарына қатысып, жүлделі орындарға ие болды.
• Оқу-өндірістік шеберханада шығарылған УДС-5 әмбебап ағаш өңдеу станогы техникумның мақтанышына айналды.
• Техникум студенттерінен құрылған құрылыс жасақтары халық шаруашылығына айтарлықтай үлес қосты.
Хенкин Валерий Александрович
1971-1973 жылдар – Талдықорған индустриалды-педагогикалық техникумында инженер, оқытушы болып жұмыс істеген.
1973 жылдан бастап – Әртүрлі комсомол және партия қызметтерін атқарған.
1975 жыл – Мелитополь ауылшаруашылығын механикаландыру және электрификациялау институтын бітірген.
1986 жыл – Талдықорған индустриалды-педагогикалық техникумының директоры болып тағайындалған.
1986-1990 жылдар – Директор қызметін атқарды.
Дүкенбаев Молдақажым Мұсаұлы
1961 жыл – Қазақ ауылшаруашылық институтына оқуға түскен.
1966 жыл – Қазақ ауылшаруашылық институтын бітіріп, еңбек жолын Талдықорған индустриалды-педагогикалық техникумында оқытушы болып бастаған.
1966-1991 жылдар – Сол техникумда оқытушы, кейін директордың орынбасары қызметін атқарған.
1991-1996 жылдар – Талдықорған индустриалды-педагогикалық техникумының директоры қызметін атқарды.
1993 жыл – Техникум Талдықорған индустриалды-педагогикалық колледжі болып қайта аталды.
Шыныбаев Мұзаппар Адамбекұлы
1968 жыл – Қазақстан мемлекеттік ауылшаруашылық институтын «Ауылшаруашылық үрдістерін механикаландыру» мамандығы бойынша бітірген.
1970-1975 жылдар – Алматы қаласында ғылыми-зерттеу институтында кіші ғылыми қызметкер, кейін аға ғылыми қызметкер болып еңбек етті.
1976-1996 жылдар – І. Жансүгіров атындағы Жетісу университетінде аға оқытушы, кафедра меңгерушісі, доцент, декан, профессор қызметтерін атқарды.
1977 жыл – Кандидаттық диссертация қорғады.
1997-2010 жылдар – Талдықорған политехникалық колледжінің директоры қызметін атқарды.
Ғылыми және қоғамдық еңбегі:
• Техника ғылымдарының кандидаты, профессор.
• Қазақстан Республикасының Жаратылыстану ғылымдары академиясының мүше-корреспонденті.
• Қазақстан Республикасының «Білім үздігі» белгісімен марапатталған.
• Қазақстан Республикасының 10-жылдығына арналған мерейтой медалі иегері.
• Ы. Алтынсарин атындағы белгімен марапатталған.
• Ы. Алтынсарин атындағы Ұлттық білім академиясы берген «Педагог-зерттеуші» атағының иегері.
Тәкенова Ғайнижамал Долдақызы
1972 жыл – Талдықорған облысы, «Крупский» ауылында орта мектепті алтын медальмен тәмамдады.
1972-1976 жылдар – Қазақ педагогикалық институтының математика факультетінде оқып, үздік дипломмен бітірді.
1976 жыл – Бұрынғы Талдықорған индустриалды-педагогикалық техникумында оқытушылық қызметтен еңбек жолын бастады.
1995 жыл – Жастарды оқыту мен тәрбиелеудегі белсенді және нәтижелі еңбегі үшін «Қазақстан Республикасының білім беру ісінің үздігі» белгісімен марапатталды.
1996 жыл – «Техникалық пәндер» кафедрасының меңгерушісі болып тағайындалды.
1998 жыл – Директордың оқу және ғылыми-әдістемелік жұмыстары жөніндегі орынбасары қызметін атқарды.
2003 жыл – «Менеджмент негізінде колледждегі инновациялық бағыттардың педагогикалық ұстанымдары» тақырыбында кандидаттық диссертация қорғады.
2010-2017 жылдар – Талдықорған политехникалық колледжінің директоры қызметін атқарды:
• Оның басшылығымен колледж әрдайым Талдықорған қаласының «Ең үздік оқу орны» атанды.
• Колледж ұжымында 3 ғылым кандидаты, 8 «Қазақстан Республикасының білім үздігі», 1 «Қазақстан Республикасының құрметті спорт қайраткері», 1 «Қазақстан Республикасының білім беру ісінің құрметті қызметкері» еңбек етті.
• 2012 жылы арнайы пән оқытушысы Бижігітов Мұхтар Байсұлтанұлы республикалық байқауда «Үздік педагог-2012» атағына ие болды.
2012 жыл, 16 сәуір – Мәскеу қаласында Халықаралық ғылыми педагогикалық білім академиясының корреспондент-мүшесі болып сайланды.
Ғылыми және қоғамдық қызметтері:
• Педагогика ғылымдарының кандидаты.
• «Қазақстан Республикасының білім беру ісінің үздігі».
• Халықаралық ғылыми педагогикалық білім академиясының корреспондент-мүшесі.
• Халықаралық семинарлар мен конференцияларға белсенді қатысып, кәсіби-техникалық білім беру саласына зор үлес қосты.
• Басшылық қызметін атқара жүріп, жастардың кәсіби әлеуметтенуіне, жан-жақты дамуына қамқорлық жасады.
Мұқажанов Ерқат Биғалиұлы
2018-2022 жылдары – колледж директоры.
1970 жылы — Шығыс Қазақстан облысында дүниеге келген. Жоғары білімді – С.Аманжолов атындағы Шығыс Қазақстан мемлекеттік университетінің агроинженерлік іс факультетінің кәсіптік оқыту мамандығын тәмамдап, инженер-педагог біліктілігін алды.
2008 жылы – Қазақ ұлттық аграрлық университетінің магистратурасын Технологиялық машиналар және жабдықтар мамандығы бойынша аяқтап, осы сала бойынша магистр атанды.
2008 жылы – физика-математика ғылымдарының кандидаты ғылыми дәрежесін қорғады (ҒК № 0001740).
2012 жылы – Педагогикалық білім ғылымдарының Халықаралық Академиясының корреспондент-мүшесі (Мәскеу).
2013 жылы – Ресей жаратылыстану академиясының профессоры атанды (Мәскеу)
2019 жылы – Қазақстан Республикасы Ұлттық инженерлік академиясының корреспондент-мүшесі болды. Директорлық қызметі барысында – колледж Алматы облысының техникалық және кәсіптік білім беру ұйымдары арасында «Үздік колледж-2018» атағына ие болды.
2019 жылы – Алматы облысы әкімдігінің 27 ақпандағы № 81 қаулысымен колледжге «Жоғары колледж» статусы беріліп, содан бастап «Талдықорған жоғары политехникалық колледжі» болып аталды
Нұрғожаев Шыңғыс Болатұлы
2022 жылдан бастап – колледж директоры. Нұрғожаев Шыңғыс Болатұлы – Ph.D докторы, жас та болса тәжірибесі мол, кәсіби біліктілігі жоғары басшы.
Білім жолын:
• І. Жансүгіров атындағы Жетісу мемлекеттік университетінде информатика мамандығы бойынша бастаған Шыңғыс Болатұлы 2015 жылы бакалавр дәрежесін алды.
• Кейін осы мамандықты магистратурада жалғастырып, 2017 жылы педагогика ғылымдарының магистрі атанды.
• Ғылыми ізденістерін тоқтатпай, 2022 жылы І. Жансүгіров атындағы Жетісу университетінде математика саласы бойынша философия докторы (Ph.D) ғылыми дәрежесін қорғап шықты.
2022 жылы – Колледжге ЖКП на ПХВ (шәкіртақы төлейтін жеке кәсіпкерлік негізіндегі мемлекеттік кәсіпорын) мәртебесі беріліп, ресми түрде қайта тіркелді. Басқару жүйесі жаңартылып, басқарушылық тиімділік артты. Халықаралық ынтымақтастық кеңейіп, жаңа оқу бағдарламалары енгізілді. Бұл – студенттердің сапалы білім алуына және колледждің жаңа білім беру трендтеріне сәйкестенуіне жол ашты.
2023 жылы – Колледж Қазақстанда алғашқылардың бірі болып NCCER стандарты бойынша халықаралық салалық аккредитациядан сәтті өтті. Бұл оқытудың халықаралық деңгейде танылуын қамтамасыз етті. Осы аккредитацияның нәтижесінде студенттер халықаралық сертификаттар алып, шетелде жұмыс істеу мүмкіндіктеріне ие болды.
2024 жылы – Студенттер «WorldSkills Kazakhstan» чемпионатында жоғары нәтиже көрсетіп, бірнеше мамандық бойынша үздіктер қатарынан көрінді. Жетісу облысында «BIM технигі», сияқты жаңа мамандықтар ашылды.
2025 жылы – Жетісу облысында «Қашықтықтан басқарылатын авиациялық жүйе», «Мехатроника» сияқты жаңа мамандықтар ашылды. Бұл – еңбек нарығының сұранысына сәйкес кадр даярлаудағы маңызды серпін. Дуальды оқыту жүйесі кеңейіп, аймақ кәсіпорындарымен жаңа, берік серіктестік орнатылды. Бұл – студенттердің практика мен әлеуетті нақты өндіріс ортасына жақындататын маңызды қадам.
Қытайдың беделді оқу орындарымен және ғылыми-зерттеу институттарымен:
• Шэньси технология және өнеркәсіп институтымен,
• Чунцин Юбэй кәсіптік білім беру орталығымен,
• Батыс Қытайдың білім және өнеркәсіп интеграциясы ғылыми-зерттеу институтымен келісімдер жасалып, бірлескен жобалар қолға алынды.
2025 жылғы 16 маусымда – колледжде Қазақстан-Қытай бірлескен KidsGo Technology компаниясының өкілдерімен кездесу ұйымдастырылды.