Республикалық WorldSkills Kazakhstan 2025 чемпионаты өз мәресіне жетті.
Үш күнге созылған додада Жетісу облысының құрамасы жоғары дайындық деңгейін және кәсіби шеберлігін көрсетіп, айтарлықтай нәтижеге қол жеткізді.
Жетісу облысының нәтижелері:
- 🥇 2 алтын медаль
- 🥈 1 күміс медаль
- 🥉 2 қола медаль
- 🏅 10 «Кәсіби шеберлік үшін» медальоны
Бұл жетістіктер — жас мамандардың табанды еңбегінің, тәлімгерлер мен сарапшылардың кәсіби қолдауының, сондай-ақ өңірде техникалық және кәсіптік білім беруге көрсетіліп отырған тұрақты қолдаудың нақты көрінісі.
Жетісу облысының қатысушылары чемпионат барысында білімдерін, практикалық дағдыларын және заманауи технологияларды меңгеру деңгейін жоғары дәрежеде дәлелдеді. Әрбір қатысушы — өңіріміздің мақтанышы.
Чемпионатқа қатысқан студенттерді, оларды дайындаған оқытушылар мен сарапшыларды, сондай-ақ қолдау көрсеткен барлық ұйымдарды шын жүректен құттықтаймыз!
